Taɖodzinuwo kple Sewo

MIAFE EƲENYIGBA
TAƉODZINU EWO (10)  SI LE  MIASI  LA

  1. - Mí eʋevi akuaku siwo ƒoƒu ɖe habɔbɔ si dzi míeda ŋkɔ ɖo bena: mí-eʋeland la, míedo dzesie bena anyo ne Eʋefiagã kple sɔẽtɔwo katãa ƒoƒu eye wowɔ ɖeka le Eʋenyigba la dzi kple Eʋedukɔmeviwo ɖe Eʋeduawo katã ƒe ŋgɔyiyi, kple dedienɔnɔ ta. Dzideƒo ŋu vevie wɔanye na mí Eʋeviwo katã. Míedo dzesie hã be esia ƒe mawɔmawɔ ahe Eʋedukɔa kple Eʋeviwo ɖe megbe. Anyo ne Eʋefiawo ɖo kpe edzi vevie be Eʋeviwo ƒe dzidzì nanye nu así matɔe. Eʋevia ɖeke ƒe agbe matyɔ̃ le Eʋefia ɖeke ƒe ŋutasesẽ ta o, ke boŋ woƒe ta ʋeʋli anye yewo ƒe dɔdeasí gbãtɔ. “mí-eʋeland gɔmee nye eʋenyigba.
  2. - Eʋevi ɖesiaɖe dzi ablɔɖe, ŋutifafa kple vovome le Eʋefiawo ƒe kpɔkplɔ te, ɖe woƒe aʋa sesẽ si woawɔ la ta. Elabena nenemae wònɔ namí Eʋeawo tso blema le Togbui kple Mamã vovovowo nɔɣi vaseɖe ɣeɣiɣi sime veklẽɖoɖo amedome ƒe game va sũ le ƒe akpe-ɖeka-alafa-enyi-bla-enyi-vɔ-ene ( 1884 ) me.
  3. - Habɔbɔ sia mi-eʋeland ƒe dzi dzíe nye:                                                                                                                                                                                                                                                                                    a -) ƒuƒoƒo eʋevi nyɔnuwo kple eʋevi ŋutsuwo le agbɔsɔsɔ gãa ɖe me. b -) nugɔmeɖeɖe nawo le aɖikadodo amenɔvi si nele dukɔ kple dukɔwo dome; si nele amegbetɔ ƒomevi vovovowo dome le egbe ƒe ŋkekeawo me le xexeame godoo. d -) numeɖeɖe sia nye nyanyanana Eʋeviwo be ne woadze si woɖokuiwo le vevie dodo nu, dɔwɔwɔ, kutrikuku, ameɖokui búbú, sidzedze Eʋeynigba kple amenɔvi eʋevi ƒe ta ʋeʋli vevie me.
  4. - Eʋevi geɖewo le ɖoɖo wɔm eye míeɖoe vevie be miadze Eʋedzukɔa tsotso gɔme tso Eʋedu vovovowo si le Eʋeyigba katã dzi. Ɖoɖo sia atɔ egɔme tso amugã tɔsisi la ŋu vaseɖe mɔnɔ tɔsisi la ŋu. Esia mawɔmawɔ ana be Eʋenyigba abu eƒe nɔnɔme blibo eye ne esia bu ko la, Eʋeawo hã wole woƒe eʋevinyenye bu ge kuraa.
  5. - Eʋegbe xexle kple eƒe ŋɔŋlɔ̃ nye míaƒe taɖodzinu veviewo dometɔ ɖeka. Míle mɔnukpɔkpɔ vevie sia ɖoge na eʋevi ɖesiaɖe alebena woateŋ kpɔ gome le eʋegbe sɔsrɔ̃, eʋegbe xexle kple eʋegbe ŋɔŋlɔ̃ ŋu abe alesi  lododoa gblɔe bena: “ Xegbee xe dona „ ene. Mɔnukpɔkpɔ sia avaeme godoo.
  6. - Míaƒo ŋu tso eʋeme nusiwo nye ʋuƒoƒowo, hadzidziwo kple ɣeɖuɖu vovowo katã alo nusiwo nye ɖaɖa nu kple glotutu nu na Eʋeawo le eʋenyigba blibo la dzi. Tsɔyi edzia, míaƒoŋ hã tso bùbùdede Eʋenyigba kple dzinuwo katã ŋu abe: “avewo, atsiwo, tɔwó, lã vovovo siwo  le Eʋenyigba dzi.
  7. - Eʋevi ɖesiaɖe dze na bubu. Amegbetɔ ƒomevi ɖesiaɖe dzea agbagba be yeade bubu yeɖokui ŋu eye yeade bubu yehaviwo ŋu. Eʋevi ɖesiaɖe  nado dzesie be eƒe kesinɔnyenye nu wonye. Kesinɔ nudidi, ga alo hotsui didi mɔnu yiyivɔa ɖeke ma he ku, dɔlele alo amedome gbegble vae ne ame ƒomevia ɖeke o. Srɔɖeɖe le ŋutsu kple nyɔnu dome nye nu veviea ɖe tso blema vadze mía dzi le egbe ƒe ŋkekeawo me. Bubudede Eʋeawo ƒe srɔɖeɖe si le ŋutsu kple nyɔnu dome la nye ŋu tso blema ke.
  8. - Mi-eʋeland si gɔme nyebe: miaɖenyigba, nye Habɔbɔ le ɖokuisi. Menye dunyagblɔha o eye dunyagblɔha ɖeke mekpɔ mɔ aƒoŋ le eƒe ŋkɔ me alo azã efe ŋkɔ le goa ɖeke me o, negbe Eʋefiagãwo ko esia ɖe mɔ na. Ame ɖeke mazã efe ŋkɔ o.
  9. - Xɔse kple subɔsubɔ nye dzɔdzɔmeŋ na amegbetɔ ƒomevi ɖesiaɖe eye le to sia to me. Nenemae wonye na Eʋeawo hã tso blema ke vade asi ne egbe. Mi-eʋeland le esia ŋuti dɔ wɔm kple Hunɔwo alo Osofowo eye le amenɔvi bubu kple dzesi tɔhɛ aɖe me. Ame aɖe ƒe xɔse manye fewuɖuɖu ne ame bubua ɖeke o, elebena Eʋeawo nye subusubu vovovotɔwo.
  10. -