Atiglinyi kple Klo

Gli tso ʋuu he dze Atiglinyi kple Klo dzi,
Atiglinyi gã aɖe nɔ avetsu dodo aɖe me gbeɖeka. Klovi suẽ aɖe hã nɔ avea to. 

Gbeɖeka esi Klovi la do heyi nuɖuɖu dziƒe la, eva do go Atiglinyi gãa la. Le dzeɖoɖo kpui aɖe megbe la, wova zu xɔlɔ̃ veviewo. Atiglinyi gã la lɔ̃ Atiglinyi la le eƒe lolo ta. Gbeɖeka Klovi suẽ la, ɖi tsa heyi be yeakpɔ eƒe xɔlɔ̃ yeyea Atiglinyi ƒe nɔƒe  eye yeado gbe nɛ. Esi wòɖo la ekpɔ Atiglinyi gã la ƒe viwo le xɔxɔ ŋu henɔ fefem dzidzɔtɔe. Klovi suẽ la do gbe na Atiglinyi ƒe viawo eye wòbia wo fofo la ta. Ɖeviawo na wonya be yewo fofo la li gake ele alɔ̃ dɔm. Wobia Klovi la nedzi be yewoa yi ɖa yɔe vɛ. Klovi suẽ la ɖe kuku nawo be woayi ɖa yɔe na ye. Atiglinyiviawo ƒu du yi aƒea me wo fofoa yɔ ge. Le woƒe dzitsitsi me la, woŋlɔ zu siwo woza na le wo fofo yɔyɔme la be. Wogugbɔ va tsɔ zuawo eye wode asi ezizi ɖe wo fofoa dzi me alɔtsɔtsɔe. Le ɣeyiɣia ɖewo megbe la, wo fofo la mli tso axa ɖeka dzi heyi ɖe evelia dzi. Eʋu eƒe ŋkuwo, tutu eƒe mo, ke eƒe ŋu me baa eye wòbia viawo nusi ƒe ɣli dom wole he nyra ɖe wo ŋu be wova gble alɔ̃ me na ye. Ɖeviawo meɖo biabia ŋu nɛ o, ke boŋ ɖeko wole ɣli dom be: " Nyɔ, nyɔ, nyɔ wò evelia Klo le dziwòm ". Atiglinyi divo eye wòbia afisi Klo la le. Ɖeviawo na wònya be ele xɔxɔŋu eyata nedo va kpɔe ɖa.

Atiglinyi gã la mli zɔ ɖɔɖɔɔɖɔ tso eƒe aba dzi he zɔ glinya va xexe afisi xɔ̃a Klovi suẽ la le. Woɖo dze ɣeyiɣi geɖee hedo dzidzɔ ɖe wonɔɛwo ŋu. Ɖeviwo nɔ fefem esime wo fofo kple xɔ̃a wonɔ dze ɖom. Atiglinyi gblɔ na eƒe evelia be mɔ si wozɔ va la didi eyata ele nɛ be woaɖu nu hafi woatrɔ dzo. Etsɔ deha go ɖeka ɖo eƒe evelia ƒe akɔme nɛ. Esime Atiglinyi yi nuɖuɖua wɔƒe la, Klovi suẽ la no aha la eye woɖu nu hã le nuɖuɖu la ƒe bibi megbe.
Le esia wɔwɔ megbe vɔ la, Klovi la klã eƒe evelia, he dze mɔ ɖo ta aƒe. Hafi  woadzo la, ekpe Atiglinyi hã be woava kpɔ ye hã gbeɖeka. Le mɔzɔzɔa me la, Klovi suẽ bu tame tso nusiwo katã wova kpɔ le xɔ̃a Atiglinyi  gbɔ. Vevietɔa alesi Atiglinyiviawo tso zu nyɔ wo fofoe. Esusu alesi yɔyɔ kple zu tso alɔ̃ me...