Akpɔkplɔ kple Anyi

Gli tso ʋuu dze Akpɔkplɔ kple Anyi dzi:

Akpɔkplɔ kple Anyi wónye xɔlɔ̃ vevie. Gbeɖeka la Anyi kpe Akpɔkplɔ be 

wòava ɖu nu kple ye. Esi Akpɔkplɔ nya be Anyi ɖana nu vivi ta ko la, metsi megbe o. Esi Akpɔkplɔ ɖa ɖo Anyi ƒe aƒeme ko la, ekpɔ anyitsi le trẽ gãa ɖe me eye Anyi le egbɔ. Esi Akpɔkplɔ te ɖe trẽ la gbɔ be yeade asi eme la, Anyi gblɔ nɛ be: “ Ao, xɔ̃nye, yi tɔme ɖa klɔ wò asiwo hafi nava ɖu nu kplim ”  Akpɔkplɔ yi tɔme ɖa klɔ eƒe asiwo zi geɖe gake ɖe ko woƒona ɖi hafi wòva ɖoa Anyi ƒe aƒeme. Zi mamlɛtɔ la, Anyi no anyitsi la vɔ hafi Akpɔkplɔ trɔ tso tɔme va ɖo aƒea me. Akpɔkplɔ tsi numaɖu eye wòtrɔ yi eƒe aƒeme nublanuitɔe.
Eteƒe medidi hafi Akpɔkplɔ hã kpe Anyi be wòava ɖu nu kple ye o. Akpɔkplɔ ɖa nu nyuiewo siwo le ʋeʋem lilili. Esi Anyi geɖe Akpɔkplɔ ƒe aƒeme la, ekpɔ Akpɔkplɔ le nuɖuɖu nyuie la gbɔ. Ke esi Anyi gogo nuɖuɖua ko la, Akpɔkplɔ gblɔ nɛ bena: “ Xɔ̃nye Anyi, mateŋu ɖu nu kplim o. Elabena ele ha dzim ” Yi ɖe aƒela ƒe mɔnu eye na ɖe asi le wò hadzidzi la ŋu ɖe afima. Anyi wɔ esia zi geɖe gake meteŋu ɖe asi eƒe hadzidzi la o. Mlɔeba la Akpɔkplɔ hã ɖu nu la vɔ, Anyi la meteŋu ɖui o. Tso gbemagbe dzi la Akpɔkplɔ kple Anyi ƒe xɔlɔ̃nyenye trɔ eye wótrɔ zu futɔ. Wódometɔa ɖeke mega doa gbe na nɔvia o.