Srɔ̃ɖeɖe

A - Srɔ̃ɖeɖe vavãtɔ:

  1. Asididi tso ɖevime
  • Asitabiabia

Nyɔnuvi tso keke eƒe ɖevi me ke wotsɔnɛ na ŋutsu aɖe be, wòaɖe. Asidiŋutsu la, 

nenye be ƒe trɔ la, adɔ ŋutsuwo abe blaatɔ̃ ene, be woayi aɖawɔ dɔ na nyɔnuvi la ƒe ƒomea. Ne ƒe gatrɔ ke la, wogaŋlɔ̃nɛ na nyɔnuvi la nenema.

  • Atsuƒeyiyi
Ne nyɔnuvi la va atsuƒe la, ekema ŋutsu la tsɔa ga nɛ wòƒlea xɔmenuwo abe ze, koloe, tsi kple nu kuklui geɖewo ene. Le nuawo ƒeƒle megbe la, nyɔnuvi la ʋuna yia srɔ̃a gbɔ keŋkeŋ. Vinɔ la xlɔ̃a nu via nyɔnuvi la bena yeɖe asi le eŋu na srɔ̃a egbe, ne wòanɔ egbɔ kpo, megawɔ dzre kplii o. Ne ŋutsu la nyrã la, megaƒo nu geɖe o. meganɔ asike dom o, elabena ku le asikedodo me. Ne ame aɖe dzui la, neto egbɔ yi kpoo. Ne megade nu eme nɛ o. Yeme le didim be, yease nya aɖeke o, eya ta yefia nuwoe ɖo.
Kadodo si wonɔa dodom na nyɔnuwo la, nu le yiyim; blewublewu la, megale anyi nɔ ge o. Egbegbe la, ne ɖevi aɖe tsi ko la, ekema ŋutsu la va kplɔnɛ yina egbɔɛ.