Wòezɔ !

Wòezɔ te ɖe mía ŋu !

Dzidzɔ wonye na míkatã be míekpɔ mɔnu le egbe ƒe ŋkekeawo me hele míaƒe gbe gbɔgblɔ ŋlɔ̃m tso intɛnɛti dzi. Míele mɔnukpɔkpɔ sia dom ɖe eʋeviwo tso TogoGhanaBenin kple wó du etɔ̃ siame viwo katã si le du ta, le xexe godoo la me gbɔ be, woava wɔ ɖeka kple mí hena ŋkuléle ɖe míadenyigba kple míadenyawo ŋu. Nyateƒe wonye be le blema la, mɔnukpɔkpɔ sia menɔ anyi o. Nusi wɔe be, eʋeviwo medoa vevie ɖe wódegbe ŋu abe alesi wodze ene o. Ame aɖewo ŋutɔ gɔhã metsɔa ɖe le wódzilawo ƒe gbe ŋu, nenye be wodzi wò le gbe dzi o.

Nusi de dzesi Eʋeawo le dukɔ etɔ̃ (3) siawo TOGO, GHANA kple BENIN me la enye Aflaga si kpɔm míele; si ƒe amadedewo nye etɔ̃ (3) : GbemuAŋgbãɖiɖi kple Dziẽ ( lé ŋku ɖe nɔnɔmetata 1 si le gɔme la ŋu) :
Amadede etɔ̃ siawo nye dzeside etɔ̃ siwo le Eʋedukɔ etɔ̃ siawo ƒe Aflagawo me. Do dzesie hã bena, aŋgbãɖiɖi ɣletivi etɔ̃ ye le eme, si gɔme enye be Eʋeduwo ma ɖe Dukɔ etɔ̃ siawo TOGO, GHANA kple BENIN me. Ghana Eʋeduwo ƒe ɣletivi le mìadzi; Togo Eʋeduwo ƒe ɣletivi le dome eye Benin Eʋeduwo ƒe ɣletivi le ɖusidzi. Aflaga dzeside sia le ŋuƒom tso Eʋedukɔwo ŋu le wóƒe nuwɔnawo hã me, abe alesi wole le nɔnɔmetata evelia sia dzi ene ( lé ŋku ɖe nɔnɔmetata 2lia si le gɔme la ŋu ) 
Nusia wɔe bena nuawo katã le etɔ̃ me: Eʋeduwo le dukɔ etɔ̃ me, Amadede etɔ̃ yele wósi eye ɣletivi etɔ̃ me wole. Esia gɔme enye kpuie ɖe ko bena: Nu meglina le mɔkpli etɔ̃ dzi o ", eyata nɔvi Eʋeawo, mìna míawɔ ɖeka ne Eʋedukɔ globo la ƒe ŋgɔdede.
Azɔ̃, mase ɖe afisia kple nye ŋuxlɔ̃amenya ɖeka si ne le asinye la: Ŋusẽdodo Eʋegbe kple beléle na míaƒe dekɔnuwo nenye akpo xɔŋuwo kple dada namí, elabena esiawo ko enye míaƒe kesinɔnuwo si míatɔgbuiwo gbleɖi namí ". Míaƒe gbe "Eʋegbe" le Dukɔ etɔ̃ siawo me le hehem ɖe megbe elabena beléle tɔxɛ aɖeke mega le eŋu nɔm na Eʋevi aɖewo le wòƒe eʋegbe gbɔgblɔ̃ me o. Eʋevi siawo nɔa egblɔ̃m kple gbe gbɔgblɔ bubuwo. Le kpɔɖeŋu nyati siawo me:
Ne ède aƒe ko, gblɔ na wò mɔɖa be megritié he ! ) gbɔgblɔ sia ɖe nyuietɔ sia teƒe: Ne ède aƒe ko, gblɔ na wòda be medo gbe nɛ he ! ), menye eʋegbe o.  
Mebesina ɖe, gɛmée wòdza va gbɔnye mã ? ) gbɔgblɔ sia ɖe nyuietɔ sia teƒe: Mebe gaƒoƒo ka me àva nyegbɔ mã hãa ? ) menye eʋegbe o.
Esiawo katã ava wɔe be, míaƒe gbe eʋegbe la ava bu ʋĩi abe, alesi wòtɔ edzi vɔ ene. 

Akpe namì.