Ŋutsu la kple Lãwo

Ŋutsua ɖe nɔ anyi gbaɖegbe. Enɔ du sɔea ɖe me, le ave gãa ɖe me. Lã geɖewo nɔ ave la me. Dzata eve hã nɔ lãwo dome. 

Ŋutsu sia nye agbledela. Menye adela wonye o. Edze xɔlɔ̃ lãawo katã ale be wo katã nɔ anyi le ŋutifafa me. Gake da melɔ̃ ɖe ɖoɖo nyuie sia dzi o. Mewɔ nɔvi kple lãa ɖeke o, mewɔ nɔvi kple agbledela la hã o. Agbledela mewu lãa ɖeke kpɔ o, eye lãawo hã megblẽ agblemenua ɖeke na agbledela la kpɔ o. Dzata eveawo hã melɔ̃ ɖe nya nyuie sia dzi o. Ale agbledela la nɔ da vɔ̃m ŋutɔ eye lã bubuawo hã nɔ dzataawo vɔ̃m. Gbe ɖeka, lãawo katã va agbledela gbɔ. Wogblɔ nɛ be: " Miele dzata eveawo vɔ̃m. Va xɔ na mi."

Agbledela la lɔ̃, eye woyi ɖaƒle tu kple ɖu. Eyi ave la me. Edi dzataawo ŋkeke blibo ɖeka. Le fiẽ me la eva ke ɖe wo ŋu. Wonɔ kpe yibɔ nogoa ɖe dzi le togbɛa ɖe gbɔ. Eda tu wo hewu wo. Lãawo kpɔ dzidzɔ ŋutɔ, eye woda akpe na agbledela la. Gake da ganɔ avea me. Agbledela hã nɔ da vɔ̃m ŋutɔ ŋutɔ. Eyɔ lãawo katã eye wogblɔ na wo be: " Fifia miele ŋutifafa me. Dzataawo megali o. Mewu wo na mi. Gake ŋutifafa meli nam o. Mele da vɔ̃m ŋutɔ. Mikpe ɖe ŋunye. Miwu da nam.Mele nɔvi wɔm kplim o." Lãawo katã lɔ̃. gake ɖesiaɖe nɔ da vɔ̃m. Atiglinyi bia be: "Ameka le da wu ge na mí ?" Lã sɔea ɖe tsi tre gblɔ be: " Mele sɔe ŋutɔ gake mele da wu ge egbe godoo na agbledela." Lã sɔe sia nye Priku. Priku yi ave la me. edi da ŋkeke ene mekpɔe o. Le ŋkeke eve bubu megbe la, priku va ke ɖe da ŋuti. Da la lolo ŋutɔ he didi hã. priku kple da wɔ vu ɣeyiɣi didia ɖe. da sẽ ŋutɔ. Gake le nuwuwu la ɖeɖi te da ŋuti. Ale priku sɔe la wui vavã.